ບໍລິການເງິນກູ້ເບີກເກີນບັນຊີ
ວັດຖຸປະສົງ:
ໃຫ້ບໍລິການເງິນກູ້ໄລຍະສັ້ນ ເພື່ອສະໜັບສະໜູນເງິນທຶນ ໃຫ້ແກ່ຜູ້ທີ່ດຳເນີນທຸລະກິດ ກ່ຽວກັບພາກສ່ວນຂະແໜງການ ຄື: ອຸດສະຫະກໍາ, ການຄ້າ, ກໍ່ສ້າງ, ຂົນສົ່ງ, ສະໜອງວັດຖຸເຕັກນິກ, ກະສິກຳປ່າໄມ້ ແລະ ອື່ນໆ ເຊິ່ງມີໄລຍະເວລາຊໍາລະເງິນຄືນພາຍໃນ 1 ປີ ເຊິ່ງເປັນທຶນໝູນວຽນ ເພື່ອເສີມສະພາບຄ່ອງໃຫ້ແກ່ທຸລະກິດ ໃນຊ່ວງເລັ່ງດ່ວນ.
ປະໂຫຍດທີ່ໄດ້ຮັບ:
- ສາມາດຖອນນໍາໃຊ້ເງິນກູ້ໄດ້ສູງກວ່າເງິນຝາກກະແສລາຍວັນ;
- ຮອງຮັບທຸກການໃຊ້ຈ່າຍດ້ວຍການສັ່ງຈ່າຍແຊັກ;
- ປະກອບເອກະສານກູ້ຢືມງ່າຍ, ວ່ອງໄວ;
- ອະນຸມັດເງິນພາຍໃນ 21 ມື້ (ເມື່ອກວດເອກະສານຄົບຖ້ວນ);
- ຊໍາລະດອກເບ້ຍສະເພາະຍອດທີ່ເບີກເກີນເງິນໃນບັນຊີ.
ວົງເງິນກູ້:
- ທ່ານສາມາດກູ້ຕາມຄວາມຕ້ອງການຂອງເງິນທຶນຕົວຈິງ.
ເງື່ອນໄຂການໃຊ້ບໍລິການ:
- ອັດຕາດອກເບ້ຍຄິດໄລ່ເປັນ %/ປີ;
- ຄ່າທຳນຽມອະນຸມັດແມ່ນເກັບຄັ້ງດຽວ ພາຍຫລັງອະນຸມັດສິນເຊື່ອ;
- ສຳລັບລູກຄ້າດີ ທະນາຄານອາດຈະພິຈາລະນາ ອັດຕາດອກເບ້ຍທີ່ເໝາະສົມ;
- ເງື່ອນໄຂເພີ່ມເຕີມ ຫຼື ຄຳແນະນຳ ການຈັດຕັ້ງປະຕິບັດ ຈະແຍກອອກເປັນສ່ວນໜື່ງຕ່າງຫາກ.
ເອກະສານປະກອບມີ:
- ຄຳຮ້ອງຂໍກູ້ຢືມ (ຕາມແບບຟອມທະນາຄານ);
- ຊີວະປະຫວັດຂອງຜູ້ກູ້;
- ປະຫວັດການດຳເນີນທຸລະກິດ;
- ແຜນຄາດຄະເນລາຍຮັບ-ລາຍຈ່າຍ (ຊັບສິນ, ໜີ້ສິນ);
- ສຳເນົາ ປື້ມສໍາມະໂນຄົວ, ບັດປະຈຳຕົວ ຫຼື Passport (ຜູ້ກູ້ຢືມ & ຜູ້ຄ້ຳປະກັນ);
- ເອກະສານ ໃບຢັ້ງຢືນທີ່ຢູ່ (ຜູ້ກູ້ຢືມ & ຜູ້ຄ້ຳປະກັນ)
- ສຳເນົາ ເອກະສານ ທະບຽນທຸລະກິດ ແລະ ທະບຽນອາກອນ;
- ສຳເນົາ ໃບອະນຸຍາດດຳເນີນທຸລະກິດ;
- ໃບຕົກລົງມອບສິດ ເພື່ອຂໍສິນເຊື່ອ (ກໍລະນີມີຂາຮຸ້ນ);
- ສຳເນົາ ຫຼັກຊັບຄ້ຳປະກັນ ຫຼື ໃບມອບສິດຫຼັກຊັບຄ້ຳປະກັນ (ຖ້າເປັນຂອງບຸກຄົນອື່ນ);
- ບໍລິສັດ ຕ້ອງປະກອບເອກະສານ ເພີ່ມເຕີມ ຄື: ເອກະສານແຕ່ງຕັ້ງ ຫຼື ໃບມອບອຳນາດ ຈາກບໍລິສັດ; ມະຕິກອງປະຊຸມຂອງ ບໍລິສັດ ກົດລະບຽບຂອງບໍລິສັດ, ງົບດຸນ (ໃບດຸນດ່ຽງຖານະການເງິນຍ້ອນຫຼັງ 06 ເດືອນ);
- ເອກະສານອື່ນໆ ທີ່ທະນຄານຕ້ອງການເພີ່ມເຕີມ.
ໝາຍເຫດ:
- ສະເພາະລູກຄ້າເກົ່າ ທີ່ມີປະຫວັດການຊຳລະເງິນກູ້ທີ່ດີ ແລະ ມີການເຄື່ອນໄຫວບັນຊີທາງດ້ານເງິນຝາກກັບ ທຄຮ ຈະພິຈາລະນາເປັນພິເສດ ແມ່ນຈະພິຈາລະນາໃຫ້ວົງເງິນບັດເຄດິດ ບໍ່ເກີນກວ່າເງິນກູ້ ທີ່ມີການຊຳລະໄປແລ້ວ;
- ສະເພາະລຸກຄ້າໃໝ່ ທີ່ມາຂໍອະນຸມັດວົງເງິນກູ້ ແມ່ນຈະພິຈາລະນາໃຫ້ວົງເງິນກູ້ ພ້ອມກັບວົງເງິນບັດເຄດິດ ໂດຍມີຫຼັກປະກັນດຽວກັນ;
- ຄ່າທຳນຽມຂື້ນກັບທະນາຄານ ທຄຮ ທີ່ກຳນົດໄວ້.
ສອບຖາມຂໍ້ມູນເພີ່ມເຕີມ:
ກະລຸນາພົວພັນ ຂະແໜງສິນເຊື່ອທຸລະກິດ ໂທ: 021-215595, ແຟັກ: 021-223431.
>> ແບບຟອມສະໝັກສິນເຊື່ອ <<
