ບັນຊີເງິນຝາກປະຢັດ
ວັດຖຸປະສົງ:
ເປັນທາງເລືອກ ສຳລັບບຸກຄົນ ຫຼື ນິຕິບຸກຄົນ ທີ່ມີລາຍຮັບປະຈຳ ແລະ ຕ້ອງການສະສົມເງິນໄວ້ ແລະ ບໍ່ພຽງແຕ່ເປັນການຮັກສາເງິນຂອງທ່ານເທົ່ານັ້ນ ແຕ່ຍັງຊ່ວຍປ້ອງກັນຄວາມສ່ຽງຕໍ່ການຖືກອາຊະຍາກຳ ຫຼື ສ່ຽງທີ່ຈະເກັບເງິນໄວ້ຢູ່ບ້ານອີກຕໍ່ໄປ, ພຽງແຕ່ເປີດບັນຊີເງິນຝາກປະຢັດ ກັບ ທຄຮ ກໍ່ໄດ້ຮັບຄວາມອຸ່ນໃຈ ທີ່ສະດວກສະບາຍ ໃນການເບີກຖອນຜ່ານໜ້າເຄົາເຕີ ຫຼື ຖອນເງິນສົດຜ່ານຕູ້ ATM ຂອງ ທຄຮ ແລະ ຜ່ານຕູ້ ATM ຂອງທະນາຄານຮ່ວມທຸລະກິດທົ່ວປະເທດ ແລະ ທົ່ວໂລກ.
ປະໂຫຍດທີ່ໄດ້ຮັບ:
- ສາມາດຝາກ-ຖອນ ໄດ້ທຸກສາຂາ ແລະ ໜ່ວຍບໍລິການຂອງ ທຄຮ ທົ່ວປະເທດ;
- ສາມາດໃຊ້ບັນຊີເງິນຝາກປະຢັດ ເພື່ອເປີດບັດ ATM, ບັດ VISA Debit ເພື່ອນໍາໃຊ້ ໂອນເງິນຜ່ານຕູ້ ATM, ຊຳລະຄ່າສິນຄ້າ ຫຼື ບໍລິການ ຜ່ານເຄື່ອງຮູດ EDC ຂອງ ທຄຮ, ເປີດນໍາໃຊ້ຜະລິດຕະພັນ JDB Yes, ຊື້ບັດເຕີມເງິນທຸກຊະນິດຜ່ານຕູ້ ATM ແລະ ບໍລິການຕ່າງໆ;
- ສາມາດນຳໃຊ້ ເພື່ອຢັ້ງຢືນຖານະທາງການເງິນ;
- ຮັບດອກເບ້ຍ ຕາມການກໍານົດຂອງ ທຄຮ ແຕ່ລະໄລຍະ.
ສະກຸນເງິນຝາກ:
- ກີບ
- ບາດ
- ໂດລາສະຫະລັດ
- ຢວນ
ອັດຕາດອກເບ້ຍເງິນຝາກ:
ໝາຍເຫດ: ທະນາຄານ ຈະຈ່າຍດອກເບ້ຍ 2 ຄັ້ງ/ປີ.
ເງື່ອນໄຂການໃຊ້ບໍລິການ:
- ວົງເງິນຝາກປະຢັດ ຂັ້ນຕ່ຳສຸດຂອງແຕ່ລະສະກຸນ ຄື: 50,000 ກີບ, 20 ໂດລາ ຫຼື 500 ບາດ.
- ກໍລະນີປິດບັນຊີເງິນຝາກປະຢັດກ່ອນ 3 ເດືອນ ຫຼັງຈາກມື້ທີ່ເປີດບັນຊີ ຈະຖືກເກັບຄ່າທຳນຽມປິດກ່ອນກຳນົດ ຕາມລະບຽບຂອງ ທຄຮ ທີ່ປະກາດໃຊ້ໃນແຕ່ລະໄລຍະ.
ໝາຍເຫດ: ອັດຕາດອກເບ້ຍນີ້ ນຳໃຊ້ໄດ້ສະເພາະລູກຄ້າທີ່ເປັນຄົນລາວ.