ໃນວັນທີ 30 ຕຸລາ 2023 ຜ່ານມາ, ທີ່ສຳນັກງານໃຫ່ຍ ທະນາຄານສົ່ງເສີມກະສິກຳ ຈຳກັດ ໄດ້ຈັດພິທີເຊັນບົດບັນທຶກຄວາມເຂົ້າໃຈ (MOU) ລະຫວ່າງ ທະນາຄານສົ່ງເສີມກະສິກຳ ຈຳກັດ (APB) ແລະ ທະນາຄານຮ່ວມພັດທະນາ ຈຳກັດ (JDB)

ຄູ່ຮ່ວມມືທັງສອງຝ່າຍ ຕົກລົງຮ່ວມມືກັນທາງດ້ານການໃຫ້ບໍລິການ, ພັດທະນາຜະລິດຕະພັນບັດ ແລະ ພັດທະນາລະບົບຕ່າງໆຮ່ວມກັນ ດັ່ງນີ້:

1. ທັງສອງຝ່າຍເຫັນດີຮ່ວມມືໃນການສຶກສາຄົ້ນຄວ້າຄວາມເປັນໄປໄດ້ ແລະພັດທະນາການເປັນຕົວແທນສະມາຊິກ BIN SPONSORSHIP ບັດສາກົນ VISA ເຊື່ອມຕໍ່ ກັບ ທະນາຄານ JDB ແລະ APB.

2. ທັງສອງຝ່າຍເຫັນດີຮ່ວມມື ໃນການສຶກສາຄົ້ນຄວ້າຄວາມເປັນໄປໄດ້ ໃນການເປັນຕົວແທນການບໍລິການອອກບັດສາກົນ VISA ລະຫວ່າງ ທະນາຄານ JDB ແລະ APB.

3. ທັງສອງຝ່າຍເຫັນດີຮ່ວມມືໃນການສຶກສາຄົ້ນຄວ້າຄວາມເປັນໄປໄດ້ໃນການໃຫ້ບໍລິການຜະລິດຕະພັນ QR Payment, EDC ແລະ Playments Plastform ເພື່ອຮອງຮັບການຊຳລະຄ່າບໍລິການຕ່າງໆໃຫ້ແກ່ລູກຄ້າຂອງ ທະນາຄານ JDB ແລະ APB.

4. ທັງສອງຝ່າຍຕົກລົງເຫັນດີຮ່ວມມືໃນການໂຄສະນາ, ປະຊາສຳພັນ ແລະ ເຮັດກິດຈະກຳດ້ານການຕະຫຼາດຮ່ວມກັນເພື່ອສົ່ງເສີມຜະລິດຕະພັນຂອງທັງສອງຝ່າຍໃຫ້ເປັນທີ່ຮັບຮູ້ໃຫ້ຫຼາຍຂື້ນ.

5. ທັງສອງຝ່າຍເຫັນດີຮ່ວມມືໃນການສຶກສາຄົ້ນຄວ້າໃນດ້ານແນວທາງຕ່າງໆກ່ຽວກັບການບໍລິການ ແລະ ຜະລິດຕະພັນອື່ນໆ ຕາມການຕົກລົງກັນໃນການດຳເນີນທຸລະກິດທີ່ມີຜົນປະໂຫຍດຮ່ວມກັນໃນອະນາຄົດ.

———————-

Call Center: 1499

www.jdbbank.com.la

LINE: @jdbbank

IG: jdbbanklaos

Tiktok : jdbbanklaos

Youtube: jdbbanklaos