ໃນຕອນບ່າຍວັນທີ 31 ກໍລະກົດ 2024, ທະນາຄານຮ່ວມພັດທະນາ(JDB) ໄດ້ເປີດກອງປະຊຸມສະຫຼຸບຜົນການດຳເນີນທຸລະກິດປະຈຳ 6 ເດືອນຕົ້ນປີ ແລະ ທິດທາງແຜນການດຳເນີນງານໃນ 6 ເດືອນທ້າຍປີ 2024. ກອງປະຊຸມໄດ້ຈັດຂື້ນທີ່ຫ້ອງປະຊຸມສຳນັກງານໃຫຍ່ ທະນາຄານຮ່ວມພັດທະນາ, ພາຍໃຕ້ການເປັນປະທານກອງປະຊຸມຂອງ ທ່ານ ວິໄລ ສີພະພອນ ປະທານສະພາບໍລິຫານ ທະນາຄານຮ່ວມພັດທະນາ, ພ້ອມດ້ວຍຄະນະຜູ້ບໍລິຫານ, ທີ່ປຶກສາ, ຄະນະພະແນກ ແລະ ໜ່ວຍບໍລິການພາຍໃນນະຄອນຫຼວງວຽງຈັນ. ນອກຈາກນີ້, ຍັງມີບັນດາໜ່ວຍບໍລິການຕ່າງແຂວງ ເຂົ້າຮ່ວມກອງປະຊຸມຜ່ານລະບົບ Video Conference. ເຊິ່ງເປັນກຽດກ່າວເປີດກອງປະຊຸມຢ່າງເປັນທາງການໂດຍ ທ່ານ ສາຄອນ ຍໍພັນໄຊ ຜູ້ອຳນວຍການໃຫຍ່ ທະນາຄານຮ່ວມພັດທະນາ.

ຕະຫຼອດການດຳເນີນກອງປະຊຸມດັ່ງກ່າວ ໄດ້ມີການຮັບຟັງການລາຍງານເຖີງຜົນສຳເລັດວຽກງານຫຼາຍໆດ້ານໃນ 6 ເດືອນຜ່ານມາ ເຊັ່ນ: ດ້ານແຫ່ງທືນ ແລະການນຳໃຊ້ທຶນ ຮອດວັນທີ 31 ມິຖຸນາ 2024 JDB ມີຍອດຊັບສິນເພີ່ມຂຶ້ນ 18%; ຈໍານວນບັນຊີເງິນຝາກ ເພີ່ມຂື້ນ 10% ຈາກປີ 2023. ສາມາດລະດົມທຶນໄດ້ 38% ຂອງແຜນສູ້ຊົນ; ການສະໜອງສິນເຊື່ອ ສາມາດປະຕິບັດໄດ້ 63%; ກໍາໄລກ່ອນອາກອນ ສາມາດປະຕິບັດໄດ້ 36% ຂອງແຜນການສູ້ຊົນປີ2024.

ນອກຈາກນີ້ ທະນາຄານຮ່ວມພັດທະນາ ຍັງໄດ້ສຳເລັດການພັດທະນາບໍລິການໃໝ່ຂື້ນໃນແອັບ JDB Yes Mobile Banking ເພື່ອເພີ່ມຄວາມສະດວກສະບາຍໃນການເຮັດທຸລະກຳການເງິນໃຫ້ແກ່ລູກຄ້າຂອງທະນາຄານ ເຊັ່ນ: ການສະແກນQR ຊຳລະຄ່າສິນຄ່າ-ຄ່າບໍລິການ ລາວ-ໄທ ໄດ້ 4 ທະນາຄານ ໄດ້ແກ່ ທະນາຄານກະສິກອນໄທ, ທະນາຄານກຸງໄທ, ທະນາຄານກຸງສີ ແລະ ທະນາຄານກຣຸງເທບ ແລະຍັງໄດ້ສຳເລັດການພັດທະນາ ບໍລິການຈອງປີ້ຍົນ Lao Airline ທັງສາຍການບິນພາຍໃນ ແລະ ຕ່າງປະເທດ. ນອກຈາກນີ້ JDB ຍັງສຸມໃສ່ການພັດທະນາບໍລິການ ແລະ ຜະລິດຕະພັນໃໝ່ໆທີ່ຈະເປີດໃຫ້ບໍລິການໃນໄວໆນີ້ ເພື່ອໃຫ້ລູກຄ້າໄດ້ຊົມໃຊ້.

JDB ເປັນທະຄານທີ່ທັນສະໄໝ ມີຄູ່ຮ່ວມທຸລະກິດ Business Partner ຢ່າງກວ້າງຂວາງ ໄດ້ສະໜອງລະບົບການຮັບຊຳລະເງິນ Payment Platformໃຫ້ກັບກຸ່ມທຸລະກິດ ecommerce ທັງພາຍໃນ ແລະຕ່າງປະເທດ ເຊັ່ນ: Dynamic LAO QR, Deeplink Payment, Visa Payment Gateway, Master Card Payment Gateway, UnionPay Payment Gateway, WechatPay ແລະ AliPay.

ເພື່ອກ້າວສູ່ ການເປັນສູນກາງຊໍາລະສະສາງ ຫຼື Payment Hub ໃນອາຊຽນ ແລະສາກົນ JDB ໄດ້ຂະຫຍາຍການຮ່ວມມືກັບບັນດາທະນາຄານໃນຕ່າງປະເທດ. ໃນປະຈຸບັນສາມາດໂອນເງິນໄປຕ່າງປະເທດໄດ້ຫຼາຍກວ່າ 100 ປະເທດ ທົ່ວໂລກ.

ທະນາຄານຮ່ວມພັດທະນາ ມຸ່ງໝັ້ນພັດທະນາການບໍລິການທີ່ເປັນເລີດ, ວ່ອງໄວ ແລະ ທັນສະໄໝ ເຊື່ອມຕໍ່ກັບສາກົນ ຖືເອົາຄວາມຕ້ອງການຂອງລູກຄ້າເປັນຫຼັກ, ພັດທະນາຜະລິດຕະພັນທາງການເງິນ ໃໝ່ຢ່າງສະໝໍ່າສະເໝີດ້ວຍລະບົບເທັກໂນໂລຍີທີ່ທັນທະໄໝ ປະສານກັບການບໍລິການທີ່ໂດດເດັ່ນຂອງພະນັກງານ, ສ້າງຜົນປະໂຫຍດສູງສຸດໃຫ້ກັບທຸກຝ່າຍ ເປັນສ່ວນສຳຄັນໃນການພັດທະນາປະເທດຊາດໃຫ້ຈະເລີນຮຸ່ງເຮື່ອງ.

ທະນາຄານຮ່ວມພັດທະນາ ເຕີບໃຫຍ່ໄປພ້ອມກັນ

———————-

Call Center: 1499

www.jdbbank.com.la

LINE: @jdbbank

IG: jdbbanklaos

Tiktok : jdbbanklaos

Youtube: jdbbanklaos