ສະຫຼຸບຜົນການດໍາເນີນທຸລະກິດ ປະຈໍາປີ 2023 ແລະ ແຜນການ KPI ປະຈໍາສົກປີ 2024 ທີ່ໂຮງແຮມແລນມາກ 3-02-2024.

ໃນຕອນເຊົ້າ ວັນທີ່ 3 ກຸມພາ 2024 ຢູ່ທີ່ໂຮງແຮມແລນມາກ ນະຄອນຫຼວງວຽງຈັນ, ທະນາຄານຮ່ວມພັດທະນາ ໄດ້ຈັດພິທີ ສະຫຼຸບຜົນງານປະຈໍາປີ2023 ແລະ ສືບຕໍ່ແຜນການປີ 2024 ໃຫ້ບັນລຸເປົ້າໝາຍ KPI (ເຄພີໄອ່).

ໂດຍການເປັນປະທານຂອງທ່ານ ເອກະພັນ ພະພິທັກ ປະທານຜູ້ຖືຮູ້ນ ທະນາຄານຮ່ວມພັດທະນາ, ທ່ານ ວິໄລ ສີພະພອນ ປະທານສະພາບໍລິຫານ ທະນາຄານຮ່ວມພັດທະນາ, ມີຄະນະສະພາບໍລິຫານ,ຄະນະອໍານວຍການ ແລະ ຜູ້ບໍລິຫານລະດັບສູງ , ຕະຫຼອດເຖີງ ຫົວໜ້າໜ່ວຍບໍລິການ ແລະ ພະນັກງານວິຊາການ  ເຂົ້າຮ່ວມຢ່າງພ້ອມພຽງ.

ກອງປະຊຸມເລີ້ມດ້ວຍ ທ່ານ ສາຄອນ ຍໍພັນໄຊ  ຜູ້ອໍານວຍການໃຫຍ່ ທະນາຄານຮ່ວມພັດທະນາ ໄດ້ສະຫຼຸບຜົນການດໍາເນີນທຸລະກິດປະຈໍາປີ ປີ 2023  ແລະ ຜ່ານແຜນການ KPI ປະຈໍາປີ2024,

ໃນປີ 2023 ຜ່ານມາ, ເສດຖະກິດ ສປປ ລາວ ມີທ່າຂະຫຍາຍຕົວດີຂື້ນ ຍ້ອນມີການເປີດປະເທດ, ຫຼັງຈາກທີ່ສະຖານະການ ແຜ່ລະບາດຂອງພະຍາດໂຄວິດ-19 ເບົາບາງລົງ, ສະພາບເສດຖະກິດພາຍໃນກໍຄ່ອຍໆ ມີທ່າອ່ຽງດີຂື້ນ, ຍ້ອນການເອົາໃຈໃສ່ຂອງລັດຖະບານໃນຊູມປີທີ່ຜ່ານມາ, ເຊີ່ງເປັນຜົນດີໃຫ້ແກ່ການດໍາເນີນທຸລະກິດ ຂອງທະນາຄານຮ່ວມພັດທະນາ ຫຼື JDB ສາມາດປະຕິບັດໄດ້ລື່ນຄາດ

ໝາຍທີ່ວາງໄວ້ ຄື:

– ຍອດຊັບສິນ ກວມເອົາ   146,09% ທຽບໃສ່ປີ 2022

– ຍອດເງິນຝາກ ກວມເອົາ  151,37 %,ທຽບໃສປີ 2022

– ຍອດສິນເຊື່ອ ກວມເອົາ   137,44 % ທຽບໃສ່ປີ 2022

ໄດ້ນໍາໃຊ້ແຫຼ່ງທຶນປ່ອຍສິນເຊື່ອບໍ່ເກີນ 75 % ຂອງແຫຼ່ງທຶນ, ສ້າງກໍາຫລັງອາກອນກໍາໄລເພີ້ມຂື້ນ 165,33 % , ແລະ ຈະໄດ້ມອບພັນທະອາກອນໃຫ້ກະຊວງການເງິນ ຈໍານວນ 146,999,588,444,00 ກີບ, ແລະ ໄດ້ວາງແຜນການ KPI ປະຈໍາປີ 2024 ຈະຕ້ອງຂຸດຄົ້ນຊອກຫາແຫຼ່ງລາຍຮັບເພີ້ມ ຈາກຜະລິດຕະພັນອື່ນໆ ທີ່ມີໃນປະຈຸບັນ. ການລະດົມແຫຼ່ງທືນຕ້ອງຕິດພັນກັບການປ່ອຍເງິນກູ້ຕິດພັນກັນກັບການເປີດບັນຊີເງິນຝາກຂອງລູກຄ້າແຕ່ລະລາຍສັນຍາ ແລະ ຢູ່ໜ່ວຍບໍລິການ ຕາມແຜນ KPI ທີ່ວາງໄວ້. ວຽກງານຈັດຕັ້ງ-ພະນັກງານ ຕ້ອງສ້າງຄວາມສາມະຄີກັນເປັນປຶກແຜ່ນ, ຍົກລະດັບຄວາມຮູ້, ຄວາມສາມາດ ຂອງພະນັກງານທຸກລະດັບໃຫ້ເຂັ້ມແຂງ.  ໃນກອງປະຊຸມ ໄດ້ຍ້ອງຍໍຊົມເຊີຍ ໜ່ວຍບໍລິການທີ່ມີຜົນງານດີເດັ່ນ: ໄດ້ຮັບລາງວັນໂລ້ຄໍາ ຈໍານວນ 6ລາງວັນ, ໂລ້ເງິນ 8 ລາງວັນ, ໂລ້ຟ້າ 10 ລາງວັນ​ ເປັນລາງວັນປະເພດລວມໝູ່, ໄດ້ຮັບໃບຍ້ອງຍໍ ຈາກສະພາບໍລິຫານ ຈໍານວນ 7 ໃບ ແລະ ໃບຍ້ອງຍໍຈາກຜູ້ອໍານວຍການໃຫຍ່ ຈໍານວນ 10 ໃບ ເປັນການຍ້ອງຍໍປະເພດລວມໝູ່ ແລະ ໃບຍ້ອງຍໍບຸກຄົນ ຈໍານວນ 10 ໃບ  ທີ່ບັນລູເປົ້າໝາຍ KPI ແຕ່ລະດ້ານ, ທີ່ມີຜົນງານດີເດັ່ນ ໃນການປະກອບສ່ວນເຂົ້າວຽກງານຂອງທະນາຄານຮ່ວມພັດທະນາ ໃຫ້ມີກໍາລັງໃຈ ແລະ ຕັ້ງໜ້າປະຕິບັດວຽກງານໃຫ້ດີກວ່າເກົ່າ, ທະນາຄານຮ່ວມພັດທະນາ ໄດ້ມີນະໂຍບາຍສູງໃຫ້ແກ່ພະນັກງານຂອງຕົນ ເພື່ອແກ້ໄຂຊີວິດການເປັນຢູ່ດີຂື້ນແຕ່ລະປີ.

ໃນຕອນທ້າຍຂອງກອງປະຊຸມ ກໍໄດ້ຮັບຟັງການໂອລົມ ຈາກ ທ່ານ ເອກະພັນ ພະພິທັກ ປະທານຜູ້ຖືຮຸ້ນ ທະນາຄານຮ່ວມພັດທະນາ, ທ່ານ ໄດ້ຍ້ອງຍໍຊົມເຊີຍຄະນະຜູ້ບໍລິຫານ ແລະ ພະນັກງານທຸກຄົນ ທີ່ມີຜົນງານດີເດັ່ນທີ່ສາມາດບັນລຸເປົ້າ ໝາຍ KPI(ເຄພີໄອ່) ທີ່ວາງໄວ້, ແລະ ໃຫ້ທິດຊີ້ນໍາ ເພື່ອປັບປຸງວຽກງານທີ່ຄົງຄ້າງ ໃຫ້ດີຂື້ນກວ່າເກົ່າ. ໃນໄລຍະຜ່ານມາ ທະນາຄານຮ່ວມພັດທະນາ ໄດ້ປ່ອຍສິນເຊື່ອເຂົ້າໃນ ການສ້າງສາເສດຖະກິດ-ສັງຄົມ ກໍ່ຄືການກໍ່ສ້າງພື້ນຖານໂຄງລ່າງຂອງປະເທດເຮົາ ແລະ ໄດ້ປະກອບສ່ວນຊ່ວຍເຫຼືອສັງຄົມຕະຫຼອດມາ.

ຫຼັງຈາກນັ້ນໃນພາກຄໍ່າ ຂອງວັນດຽວກັນ ກໍ່ໄດ້ມີງານລ້ຽງຊົມເຊີຍຜົນສໍາເລັດການດໍາເນີນທຸລະກິດປະຈໍາປີ 2023, ແລະ ໄດ້ມີພິທີຈົກກສະຫຼາກມອບລາງວັນເປັນລົດ  TOYOTA Hi-Lux REVO ໃຫ້ລູກຄ້າຜູ້ໂຊກດີ ທີ່ຝາກປະຈໍາຕາມເງື່ອນໄຂ, ເພື່ອເປັນການຄືນກໍາໄລໃຫ້ລູກຄ້າ ເພື່ອສ້າງຄວາມປະທັບໃຈ ໃຫ້ລູກຄ້າ, ແຜນການປີ 2024JDB ຕ້ອງໄດ້ອອກແຮງສູ້ຊົນສ້າງຜົນກໍາໄລ ໃຫ້ບັນລຸເປົ້າໝາຍທີ່ວາງໄວ້ ເພື່ອປະກອບສ່ວນ ມອບພັນທະອາກອນໃຫ້ກະຊວງການເງິນ ເພື່ອສ້າງສາພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງ ໂດຍໄປຕາມຄໍາຂວັນຂອງທະນາຄານຮ່ວມພັດທະນາ     “ ເຕີບໃຫ່ຍໄປພ້ອມກັນ