ເຊັນສັນຍາຢ່າງເປັນທາງການ ວ່າດ້ວຍ “ການໃຫ້ບໍລິການ ຊຳລະຄ່າປີ້ຍົນ ຜ່ານລະບົບທະນາຄານເທິງມືຖື ລະຫວ່າງທະນາຄານຮ່ວມພັດທະນາ ແລະ ລັດວິສາຫະກິດການບິນລາວ”

———————————————————————————

ໃນວັນທີ 20/06/2024 ໄດ້ມີພິທີເຊັນສັນຍາຂຶ້ນຢ່າງເປັນທາງການ ວ່າດ້ວຍ “ການໃຫ້ບໍລິການ ຊຳລະຄ່າປີ້ຍົນ ຜ່ານລະບົບທະນາຄານເທິງມືຖື ລະຫວ່າງທະນາຄານຮ່ວມພັດທະນາ ແລະ ລັດວິສາຫະກິດການບິນລາວ” ທີ່ສຳນັກງານໃຫຍ່ຂອງທະນາຄານຮ່ວມພັດທະນາ JDB.

ໂດຍເປັນກຽດຮ່ວມລົງນາມສັນຍາຄັ້ງນີ້ໂດຍ ທ່ານ ສາຄອນ ຍໍພັນໄຊ ຜູ້ອຳນວຍການໃຫຍ່ ທະນາຄານຮ່ວມພັດທະນາ ແລະ ທ່ານ ຄຳຫຼ້າ ພົມມະວັນ ຜູ້ອຳນວຍການໃຫຍ່ ລັດວິສາຫະກິດການບິນລາວ ທີ່ມີທັງຄະນະພະແນກ ແລະ ວິຊາການຈາກທັງ 2ພາກສ່ວນເຂົ້າຮ່ວມ.

ທັງ 2ພາກສ່ວນແມ່ນໄດ້ເລັງເຫັນເຖິງຄວາມສຳຄັນໃນການພັດທະນາ ການເຊື່ອມຕໍ່ລະບົບການຊຳລະສະສາງ ການຈອງປີ້ຍົນຜ່ານແອັບ JDB Yes ໃຫ້ມີຄວາມສະດວກສະບາຍຂຶ້ນ ເພື່ອຕອບສະໜອງຕໍ່ກັບລູກຄ້າທັງ 2ຝ່າຍ ຫຼື ຜູ້ບໍລິໂພກທຸກທ່ານ ໃນການນຳໃຊ້ໃນຊີວິດປະຈຳວັນໃຫ້ຫັນເປັນ ດິຈີຕ້ອນ.