ໃນວັນທີ 01.07.2024 ທີ່ຜ່ານມາ, ທະນາຄານຮ່ວມພັດທະນາ JDB ( Joint Development Bank ) ໄດ້ຈັດພິທີເປີດໂຕ “ຜະລິດຕະພັນ ລະບົບການຊຳລະແບບບໍ່ມີພົມແດນ JDB’s Seamless Payment Platform” ທີ່ໂຮງແຮມລາວ ພລາຊາ, ພາຍໃຕ້ການເຂົ້າຮ່ວມຂອງຫົວໜ້າກົມຄຸ້ມຄອງທະນາຄານທຸລະກິດ, ຫົວໜ້າກົມບໍລິການ, ຫົວໜ້າກົມຄຸ້ມຄອງນະໂຍບາຍເງິນຕາ ແລະ ຮອງຫົວໜ້າກົມຄຸ້ມຄອງລະບົບການຊຳລະ ຈາກທະນາຄານແຫ່ງ ສປປ ລາວ, ຄະນະຜູ້ບໍລິຫານ-ຄະນະອຳນວຍການ ແລະ ຄະນະພະແນກ ທະນາຄານຮ່ວມພັດທະນາ JDB ແລະ ຍັງໄດ້ມີບັນດາບໍລິສັດຄູ່ຮ່ວມທຸລະກິດ, ຫ້າງຮ້ານ, ພໍ່ຄ້າ-ແມ່ຄ້າຊາວຂາຍທັງຫຼາຍທີ່ໄດ້ເຂົ້າຮ່ວມງານດັ່ງກ່າວເຊັ່ນດຽວກັນ.

ເຊິ່ງເປັນກຽດກ່າວເປີດງານຢ່າງເປັນທາງການໂດຍ ທ່ານ ສາຄອນ ຍໍພັນໄຊ ຜູ້ອຳນວຍການໃຫຍ່ ທະນາຄານຮ່ວມພັດທະນາ. ພາຍໃນງານດັ່ງກ່າວ ໄດ້ມີການຮັບຟັງການນຳສະເໜີກ່ຽວກັບຜະລິດຕະພັນ ແລະ ການບໍລິການຕ່າງໆຂອງທະນາຄານ ທີ່ໄດ້ມີການພັດທະນາຢ່າງບໍ່ຢຸດຢັ້ງ ເພື່ອຕອບສະໜອງຄວາມຕ້ອງການ ແລະ ການຊົມໃຊ້ຂອງລູກຄ້າໃນຍຸກປະຈຸບັນ ທີ່ກຳລັງຫັນໄປສູ່ “ດິຈິຕ້ອນ”. ບໍ່ວ່າຈະເປັນການຊຳລະສະສາງທັງພາຍໃນ ແລະ ຕ່າງປເທດ, ການເຮັດທຸລະກຳທາງການເງິນຕ່າງໆທັງພາຍໃນ ແລະ ຕ່າງປະເທດ ລວມໄປເຖິງການພັດທະນາ Platform ທີ່ເອື້ອອຳນວຍໃຫ້ແກ່ບັນດາລູກຄ້າຂອງທະນາຄານໃນການຮອງຮັບການຊຳລະ ແລະ ຫັນເຂົ້າສູ່ລະບົບ ທີ່ປອດໄພ ສາມາດກວດສອບໄດ້.

ພາຍຫຼັງຮັບຟັງການນຳສະເໜີແລ້ວ, ຍັງເປັນກຽດຂຶ້ນກ່າວມີຄຳເຫັນ ແລະ ໂອ້ລົມຈາກ ທ່ານ ນາງ ລຳມອນ ສິມມະໄລວົງ ຮອງຫົວໜ້າກົມຄຸ້ມຄອງລະບົບການຊຳລະ ທະນາຄານແຫ່ງ ສປປ ລາວ ອີກດ້ວຍ.

ຕອນທ້າຍພິທີຍັງໄດ້ມີການມອບລາງວັນໃຫ້ກັບລູກຄ້າຂອງທະນາຄານຈາກ 2ໂຄງການ ກໍຄື ໂຄງການ JDB Yes Yes ຢູ່ໃສກໍ Yes ໄດ້ ທີ່ໄດ້ມອບລາງວັນໃຫ້ກັບລູກຄ້າທີ່ມີການນຳໃຊ້ App JDB Yes, ບັດ ATM UnionPay, ເຄື່ອງຮູດບັດ EDC ແລະ QR Yes Pay ທີ່ມີຍອດສູງສຸດແຫ່ງປີ, ເຊິ່ງໄດ້ມອບລາງວັນ Iphone 15 Pro Max 5ລາງວັນ ແລະ ໂຄງການ Yes Yes Online ເຊິ່ງເປັນລາງວັນໃຫ້ກັບຮ້ານຄ້າທີ່ເຂົ້າຮ່ວມໂຄງການ ທີ່ມີການຂາຍເຄື່ອງອອນລາຍແບບ Facebook Live ແລະ ມີການນໍາໃຊ້ QR Yes Pay ຂອງ JDB ພຽງທະນາຄານດຽວ ໃນການຮັບຊຳລະຄ່າສິນຄ້າ ແລະມີຍອດເຖິງ 12,000 ລາຍການຂຶ້ນໄປ, ເຊິ່ງໄດ້ມອບໃຫ້ກັບ 5ຮ້ານຄ້າ ຮ້ານຄ້າລະ 5,000,000 ກີບ.

———————-

Call Center: 1499

www.jdbbank.com.la

LINE: @jdbbank

IG: jdbbanklaos

Tiktok : jdbbanklao

Youtube: jdbbanklao