ທະນາຄານຮ່ວມພັດທະນາ ມະຫາຊົນ (JDB) ຈັດງານຖະແຫຼງຂ່າວ (IPO Roadshow) ໃນການອອກຈໍາໜ່າຍຮຸ້ນຄັ້ງທໍາອິດໃຫ້ແກ່ມວນຊົນ (IPO)
ຢ່າງເປັນທາງການ ແລະ ຈົດທະບຽນໃນຕະຫຼາດຫຼັກຊັບລາວ
ໃນຕອນແລງ ວັນທີ່ 11 ກັນຍາ 2025 ທີ່ໂຮງແຮມອາມາຣີ ວຽງຈັນ ໄດ້ຈັດງານຖະແຫຼງຂ່າວ (IPO Roadshow) ໃນການອອກຈໍາໜ່າຍຮຸ້ນຄັ້ງທໍາອິດໃຫ້ແກ່ມວນຊົນ (IPO),ໃຫ້ກຽດເຂົ້າຮ່ວມໃນງານຄັ້ງນີ້ມີ:
ທ່ານ ເອກະພັນ ພະພິທັກ ປະທານຜູ້ຖືຮູ້ນ ທະນາຄານຮ່ວມພັດທະນາ ມະຫາຊົນ ພ້ອມດ້ວຍ ຄະນະຜູ້ບໍລິຫານ ລະດັບສູງຂອງທະນາຄານຮ່ວມພັດທະນາ ມະຫາຊົນ, ແລະ ບັນດານັກທຸລະກິດໃນຂະແໜງການຕ່າງໆ, ບັນດາທະນາຄານ ແລະ ນັກລົງທຶນພາຍໃນ ກໍໄດ້ເຂົ້າຮ່ວມຫຼາຍກວ່າ 300 ທ່ານ.
ທ່ານ ສາຄອນ ຍໍພັນໄຊ, ຜູ້ອໍານວຍການໃຫຍ່ ທະນາຄານຮ່ວມພັດທະນາ ມະຫາຊົນ ໄດ້ຂຶ້ນສະເໜີວິໃສທັດ ແລະ ພາບລວມທຸລະກິດ ຂອງທະນາຄານຮ່ວມພັດທະນາ ມະຫາຊົນ.
ວິໃສທັດ (Vision): ທະນາຄານມຸ້ງໝັ້ນສ້າງນະວັດຕະກໍາໃໝ່ ເພື່ອສົ່ງມອບບໍລິການທີ່ເປັນເລີດ ເປັນທະນາຄານທຸລະກິດທັນສະໄໝ ແລະ ກ້າວໄກສູ່ສາກົນ.
ພາລະກິດ (Mission): ເປັນທະນາຄານທຸລະກິດ ແຖວໜ້າດ້ານເສດຖະກິດໃນ ສປປ ລາວ,
ເປັນທະນາຄານທີ່ທັນສະໄໝດ້ານດິຈິຕອນ (Digital Banking Service)
ເປັນສູນກາງຊໍາລະສະສາງ ໃນອາຊ່ຽນ ແລະ ສາກົນ (Global Payment Hub)
ພາບລວມດ້ານການຂະຫຍາຍຕົວດ້ານຕາໜ່າງການບໍລິການ ໃນປັດຈຸບັນ ມີທັງໝົດ 65 ໜ່ວຍບໍລິການ ທົ່ວປະເທດ, ເພີ່ມຂຶ້ນ ເຖິງ 2000% ເມື່ອທຽບໃສ່ປີ 2012 ໂດຍມີພຽງ 3 ໜ່ວຍບໍລິການ, ບັນຊີລູກຄ້າເພີ່ມຂຶ້ນ 1,100% ຕະຫຼອດໄລຍະ 10 ປີ ທີ່ຜ່ານມາ ນັບແຕ່ປີ 2015-2024 ມີຖານບັນຊີລູກຄ້າພາຍໃນ ແລະ ຕ່າງປະເທດ ຫຼາຍກວ່າ 470,000 ລາຍ, ມີຜູ້ນໍາໃຊ້ JDB YES Mobile Banking ຂະຫຍາຍຕົວເຖິງ 10,000 % ມີຜູ້ຊົມໃຊ້ຫຼາຍກວ່າ 170,000 Users. ແລະ ຍັງໄດ້ມີການເປີດ VTR ການຂະຫຍາຍຕົວຂອງ JDB, ເຊິ່ງສະແດງໃຫ້ເຫັນເຖິງດ້ານການບໍລິການ, ຜະລິດຕະພັນ, ຜົນປະກອບການ, ຍຸດທະສາດການພັດທະນາ ແລະ ການຫັນເຂົ້າຕະຫຼາດຫຼັກຊັບລາວ.
ຈາກນັ້ນ ທ່ານ ພົງສະຫວັດ ລືນາມ, ຮອງຜູ້ອໍານວຍການ ບໍລິສັດ ຫຼັກຊັບ ລາວ-ຈີນ ມະຫາຊົນ ກໍໄດ້ຂຶ້ນນໍາສະເໜີຂໍ້ມູນທາງດ້ານການເງິນທີ່ສຳຄັນ ແລະ ການເປີດຈໍາໜ່າຍຮຸ້ນ (IPO) ຂອງທະນາຄານຮ່ວມພັດທະນາ ມະຫາຊົນ.
ຈາກນັ້ນ ໃນພິທີດັງກ່າວ ຍັງໄດ້ຈັດເວທີສົນທະນາ ກ່ຽວກັບ ການຫັນເປັນມະຫາຊົນ-ຈົດທະບຽນເຂົ້າຕະຫຼາດຫຼັກຊັບລາວ ແລະ ການເຕີບໂຕດ້ານຕະຫຼາດທຶນ ໃນ ສປປ ລາວ, ແລະ ການຖາມຕອບ ແລກປ່ຽນຄໍາຄິດຄໍາເຫັນ.
ການເດີນທາງຕະຫລອດໄລຍະ 35 ປີ ຂອງ JDB ທີ່ຫັນສູ່ທະນາຄານຂອງມະຫາຊົນ: ການຖະແຫຼງຂ່າວຄັ້ງນີ້ບໍ່ພຽງແຕ່ເນັ້ນເຖິງບົດບາດ ແລະ ການດຳເນີນທຸລະກິດຂອງ JDB ໃນຖານະຜູ້ໃຫ້ບໍລິການທາງການເງິນເທົ່ານັ້ນ, ແຕ່ຍັງສະແດງໃຫ້ເຫັນເຖິງການເດີນທາງອັນຍາວນານ ແລະ ຄວາມສາມາດໃນການປັບຕົວຂອງອົງກອນ ເຊິ່ງເປັນບົດຮຽນອັນສຳຄັນ ສຳລັບທຸກໆທຸລະກິດທີ່ຕ້ອງການເຕີບໂຕແບບຍືນຍົງ, 35 ປີຜ່ານມາ: ຄວາມຍືນຍົງໃນໂລກທຸລະກິດທີ່ປ່ຽນແປງ, ການເຕີບໂຕຂອງ JDB ນັບຕັ້ງແຕ່ການກໍ່ຕັ້ງໃນປີ 1989 ຈົນມາເຖິງການຫັນປ່ຽນມາເປັນທະນາຄານ ມະຫາຊົນ ໃນປີ 2025 ແມ່ນເລື່ອງລາວຂອງການປັບຕົວ ແລະ ການມີວິໄສທັດທີ່ກ້ວາງໄກ.
ທະນາຄານຮ່ວມພັດທະນາ ມະຫາຊົນ (JDB) ອອກຈໍາໜ່າຍຮຸ້ນໃຫ້ແກ່ມວນຊົນຄັ້ງທໍາອິດ (IPO) ໂດຍມີຈໍານວນຮຸ້ນສາມັນທີ່ອອກ 75,333,900 ຮຸ້ນ ທຽບ 10.04% ຂອງຈຳນວນຮຸ້ນທັງໝົດຂອງ JDB, ເຊິ່ງລາຄາຈໍາໜ່າຍມີມູນຄ່າຮຸ້ນ
(IPO Price) 8,800 ກີບ/ຮຸ້ນ, ໄລຍະການຈອງຊື້ຮຸ້ນ: ນັບຕັ້ງແຕ່ວັນທີ 15-19 ກັນຍາ 2025, ເວລາ 8:30-15:00 ໂມງ, ສະຖານທີ່ຈອງຊື້ ທະນາຄານຮ່ວມພັດທະນາ ມະຫາຊົນ, ສໍານັກງານໃຫຍ່ ແລະ ໜ່ວຍບໍລິການ ໃນຂອບເຂດທົ່ວປະເທດ
ໂທ: 021 224094; 020 22234343 / 55251121
website: www.jdbbank.com.la
ບໍລິສັດຫຼັກຊັບ ລາວ-ຈີນ ມະຫາຊົນ, ເຂດເສດຖະກິດພິເສດບຶງທາດຫຼວງ, ບ້ານໂພນທັນ, ເມືອງໄຊເສດຖາ, ນະຄອນຫຼວງວຽງຈັນ ໂທ: 021 419222; 020 78945642
Website: www.lcs.com.la
JDB ໄດ້ຜ່ານການປ່ຽນແປງຈາກການເປັນທະນາຄານທີ່ຖືຮຸ້ນໂດຍນັກລົງທຶນໄທ ໃນປີ 2010 ມາສູ່ການຖືຮຸ້ນໂດຍນັກທຸລະກິດລາວ ໃນປີ 2012, ແລະ ປະຈຸບັນ ໄດ້ກ້າວໄປສູ່ທະນາຄານມະຫາຊົນ ໃນປີ 2025. ນີ້ສະແດງໃຫ້ເຫັນວ່າ ທຸລະກິດທີ່ຍືນຍົງຄືທຸລະກິດທີ່ສາມາດປັບປ່ຽນຮູບແບບ ແລະ ໂຄງສ້າງ ເພື່ອຕອບສະໜອງຕໍ່ສະພາບແວດລ້ອມ ແລະ ໂອກາດໃໝ່ໆ.
#ທະນາຄານຮ່ວມພັດທະນາມະຫາຊົນ
#JDBIPO#ມະຫາຊົນ
———————–
Call Center: 1499
LINE: @jdbbank
IG: jdbbanklaos
Tiktok : jdbbanklaos
Youtube: jdbbanklaos