ໂອນເງິນລະຫວ່າງປະເທດດ້ວຍລະບົບ MoneyGram
ວັດຖຸປະສົງ:
ບໍລິການໂອນ-ຮັບເງິນ ລະຫວ່າງທຸກຄົນຫາບຸກຄົນ ດ້ວຍລະບົບ MoneyGram ເປັນການບໍລິການທີ່ສະດວກ, ວອງໄວ ແລະ ເຊື່ອຖືໄດ້ ໂດຍທ່ານສາມາດໃຊ້ບໍລິການໄດ້ທີ່ທຸກໜ່ວຍບໍລິການຂອງ ທຄຮ ໃນທົ່ວປະເທດ.
ປະໂຫຍດທີ່ໄດ້ຮັບ:
- ທ່ານໝັ້ນໃຈໄດ້ວ່າການໂອນເງິນດ້ວຍລະບົບ MoneyGram ມີສະດວກສະບາຍ, ຄວາມປອດໄພ, ແລະ ເຊື່ອຖືໄດ້;
- ການບໍລິການຂອງ MoneyGram, ທ່ານ ແລະ ຄອບຄົວ ຈະບໍ່ພາດການສົ່ງມອບຄວາມຮັກ ຄວາມຫ່ວງໃຍ ດ້ວຍບໍລິການຫຼາຍກວ່າ 207,000 ຈຸດ ທົ່ວໂລກ;
- ຜູ້ມາຮັບເງິນ ບໍ່ຈໍາເປັນຕ້ອງມີບັນຊີເງິນຝາກ ແລະ ບໍ່ໄດ້ເສຍຄ່າທຳນຽມໃດ;
- ຜູ້ມາຮັບເງິນ ສາມາດຮັບເປັນເງິນສະກຸນທ້ອງຖິ່ນຂອງປະເທດນັ້ນໆ ໂດຍໃຊ້ອັດຕາແລກປ່ຽນໃນລະບົບ MoneyGram;
- ແບ່ງເບົາພາລະຂອງທ່ານ ຈາກປັນຫາອ້ອມຕົວ ອີກໜື່ງທາງເລືອກໃນການໂອນເງິນທີ່ໄວທີ່ສຸດ, ເມື່ອຂັ້ນຕອນການໂອນເງິນສໍາເລັດ, ຜູ້ຮັບປາຍທາງຈະໄດ້ຮັບເງິນສົດ ພາຍໃນ 10 ນາທີ.
ກໍລະນີການໂອນເງິນ:
- ຜູ້ມາໂອນເງິນ ຕ້ອງມີ ປື້ມສຳມະໂນຄົວ ຫຼື ບັດປະຈຳຕົວ ຫຼື ໜັງສືຜ່ານແດນ (ບໍ່ໝົດອາຍຸ);
- ຊື່ ແລະ ນາມສະກຸນ ຜູ້ຮັບເງິນປາຍທາງ;
- ລະບຸທີ່ຢູ່ ເມືອງ ແລະ ປະເທດ ຂອງຜູ້ຮັບເງິນປາຍທາງ;
- ມອບເງິນຈຳນວນທີ່ຕ້ອງການໂອນ.
ກໍລະນີການຮັບເງິນ:
- ຜູ້ມາຮັບເງິນ ຕ້ອງມີປື້ມສໍາມະໂນຄົວ ຫຼື ບັດປະຈຳຕົວ ຫຼື ໜັງສືຜ່ານແດນ (ບໍ່ໝົດອາຍຸ);
- ໝາຍເລກອ້ງອີງ (Reference Number);
- ຊື່ ແລະ ນາມສະກຸນ ຜູ້ສົ່ງເງິນ ແລະ ປະເທດຕົ້ນທາງ;
- ລະບຸຈໍານວນເງິນທີ່ຕ້ອງຮັບ.
ໝາຍເຫດ:
ການຈ່າຍເງິນຕາ ແມ່ນຂຶ້ນກັບການແຈ້ງຈໍານວນຂອງຜູ້ໂອນທີ່ປະກອບຂໍ້ມູນແບບຟອມໂອນເງິນ, ທາງເລື່ອກໃນການຈ່າຍເງິນເປັນສະກຸນເງິນຕ່າງໆ ແມ່ນຂຶ້ນກັບກົດລະບຽບຂອງທະນາຄານ ແຕ່ລະໄລຍະ, ໃນບາງກໍລະນີ ທ່ານຈຳເປັນຕ້ອງມີໃບຢັ້ງຢືນທີ່ຢູ່ (ເອກະສານຢັ້ງຢືນຈາກທະນາຄານ ຫຼື ໃບບິນ) ແຕ່ລະປະເທດມີຄວາມຕ້ອງການເອກະສານທີ່ແຕກຕ່າງກັນ.
ສະກຸນເງິນ:
ໂດລາສະຫະລັດ
ຄ່າທໍານຽມ:
ເສຍຄ່າທຳນຽມ ຕາມທີ່ລະບົບ MoneyGram ກຳນົດ.
ສອບຖາມຂໍ້ມູນເພີ່ມເຕີມ:
ກະລຸນາພົວພັນ ທະນາຄານຮ່ວມພັດທະນາ ສຳນັກງານໃຫຍ່ ຫຼື ໜ່ວຍບໍລິການ ໃນທົ່ວປະເທດ ໂທ: +856 21 213531 – 6 ຫຼື +856 21 241843 ຫຼື ແຟັກ: +856 21 213530 ຫຼື ທ່ານສາມາດກວດຈາກຈຸດບໍລິການ MoneyGram ເພີ່ມເຕີມໄດ້ທີ່ເວັບໄຊ: www.moneygram.com ເພື່ອ:
- ຊອກຫາຈຸດບໍລິການໃກ້ບ້ານທ່ານ;
- ກວດເບິ່ງຄ່າທຳນຽມການໂອນເງິນໄປທົວໂລກ ທີ່ສົມເຫດສົມຜົນ;
- ກວດເບິ່ງທາງເລືອກໃນການຮັບເງິນທີ່ມີໃນແຕ່ລະປະເທດ.